Viti 2018 u mbyll me një humbje për një nga ikonat e arteve marciale mikse, Cris Cyborg, që u mund nga Amanda Nunes në eventin UFC-232 (u zhvillua më 29 dhjetor, në Los Anxhelos), duel i peshës “featherweight (pesha 61-66kg), duke dorëzuar titullin kampion. Një humbje e papritur për Cyborg, për mënyrën se si rrodhën ngjarjet në kafaz, pasi dueli zgjati vetëm 51 sekonda.
Cyborg, duke falënderuar fansat për mbështetjen, ka deklaruar sot se ka ende edhe një duel në kontratën me UFC. Dhe këtë duel të fundit ajo dëshiron ta zhvillojë sërish ndaj Amanda Nunes. “Unë dua revanshin, Dana White e di këtë gjë, pasi ia thashë menjëherë pas sfidës së dua të përballem edhe një herë me Nunes. Në cilën peshë të dëshirojë ajo”,u shpreh Cris Cyborg.
“Më vjen keq për humbjen, një duel që nuk shkoi ashtu sic kisha menduar, por ky është sporti. unë pres që UFC-ja të reagojë sa më shpejt dhe të më japë mundësinë për revansh. Ashtu sikurse unë e prita 9 muaj Nunes, mendoj kam të drejtë të më ofrojnë revanshin”, u shpreh sportistja braziliane Cyborg, që pësoi ndaj Nunes humbjen e dytë në karrierën e saj, e para me “KO”.
