Mbrojtësi i Ajax, Matthijs De Ligt, në një intervistë të dhënë pas ndeshjes ndaj Venlo, ka folur në lidhje me të ardhmen e tij aq të përfolur gjatë gjithë kësaj gjysme të parë të sezonit.
Në përfundim të ndeshjes së vlefshme për Eredivise, mbrojtësi holandez, referuar raportimeve të së përditshmes spanjolle “Sport”, është ngacmuar në lidhje me aludimet dhe zërat, sipas të cilëve, ai ndodhet vetmë një hap larg Juventus.
“Gjatë të gjithë vitit kam dëgjuar aludime dhe thashetheme mbi këtë argument. Tani, edhe sikur unë t’i mohoj çdoj herë, këta zëra nuk do të ndaleshin”.
“Më bëjnë për të qeshur, sepse pjesa më e madhe e atyre që qarkullon është thjeshtë gënjeshtër. Unë përpiqem të përqendrohem mbi ndeshjet me Ajax”, deklaroi mbrojtësi De Ligt.
