E ardhmja e Mauro Icardi-t është akoma në dyshim.
Mundja e krahut mes Wanda Nara, bashkëshortja-menaxhere e sulmuesit, dhe administratorit të deleguar të zikaltërve, Beppe Marotta, vazhdon.
Vendimi i klubit për t’i hequr shiritin e kapitenit ka qenë një goditje e rëndë për argjentinasin, i cili, sipas “Gazzetta dello Sport”, pretendon kthimin e shiritit dhe faljet e klubit për t’u kthyer në fushën e lojës.
Ndërkohë, nuk ka asnjë zhvillim të ri në lidhje me negociatat për rinovimin e kontratës së futbollistit. Gjithmonë sipas “Gazzetta dello Sport”, Wanda dhe Mauro nuk janë të interesuar për një ofertë të mundshme të klubit.
Një situatë e komplikuar nga e cila mund të përfitojë Juventus, që duket se është vënë në lëvizje për të siguruar ish-kapitenin e Inter-it verën e ardhshme.