Masimiliano Mirabeli ka zbuluar disa prapaskena të panjohur për sa i përket rinovimit të Donarumës te Milani. Në një intervistë për “Libero”, ish-drejotri sportiv i Milanit zbulon se ka mposhtur Raiolën, menaxherin e portierit.
“Munda Raiolën, por kurrë nuk do ta shihni të ndodhë sërisht me një si ai. Ishte kryevepër që u mbyll pa asnjë komision. Më thoshte se nuk ka rinovuar me Galianinm, e jo më me mua e disa kinezë që nuk i njihte”, tregon Mirabeli.
“E keni pyetur veten pse Donaruma postonte në rrjetet sociale dhe më pas fshiheshin?. E thjshte, Raiola i shkruante, unë i fshija. Ose historinë me provimin që braktisi Donaruma. Ishte Raiola ai që e çoi në Ibiza me avionin e tij privat për të na e larguar. Ditën e fundit të negociatave tha se nuk do të firmos, do të iki. Sapo ai doli nga dhoma, Xhixho çlirohet, merr stilolapsin dhe firmos pa praninë e tij”, zbulon Mirabeli.
