30-vjeçari nënshkroi një kontratë fitimprurëse prej 350.000 euro në javë, në janar të vitit të kaluar, por e ka humbur statusin e titullarit të padiskutueshëm në “Emirates” në këtë sezon. Ozil nuk është i preferuar nga trajneri i ri, Unai Emery. Ai ka luajtur vetëm dy herë, që nga “Boxing Day” për shkak të problemeve shëndetësore, lëndimeve dhe arsyeve taktike.
Fituesi i Kupës së Botës me Gjermani u stërvit me ngarkesë të plotë këtë javë, pasi mungoi në fitoren e së shtunës së kaluar kundër Huddersfiled, për shkak të një problem shëndetësor. Duke komentuar mungesën e tij të vazhdueshme, legjenda e klubit, Martin Keown tha:
“Është me të vërtetë duke u bërë e turpshme tani situata me Ozil. Të humbasësh atë numër ndeshjesh është mjaft shqetësuese, apo jo? 100 ndeshje në këtë periudhë? Unë do të thoja se është shumë shqetësuese. Ne nuk e dimë, vetëm lojtari e di çfarë po nodh: a është i lënduar, apo i sëmurë?”
