Sipas lajmeve të publikuara në “El Chiringuito de Jugones”, presidenti i Real Madrid dhe trajneri i tij, Santiago Hernán Solari darkuan bashkë në një restorant në kryeqytetin spanjoll, duke folur gjithashtu për situatën aktuale në ekip.
“Ishte një darkë që nisi në orën 21:00, për të përfunduar në orën 23:10. Dy orë e 10 minuta takim në një restorant në Madrid, një takim i rëndësishëm pas humbjes kundër Girona”, rrëfen “El Chiriguito” detaje të takimit.
Sipas të njëjtit burim, në këtë takim u diskutua edhe mbi çështjet që kanë të bëjnë me situatën e Marcelo, Isco dhe Vinicius, ndërkohë që trajneri, që ka një kontratë me Real Madrid deri në vitin 2021, mësohet të ketë bërë një premtim para presidentit Florentino Perez: “Unë do të vdes me idetë e mia. E di që rezultatet do të vendosin të ardhmen time”.
