Ashley Young ka firmosur një rinovim njëvjeçar të kontratës me Manchester United.
Bisedimet kishin nisur që prej nëntorit të kaluar dhe 33-vjeçari tashmë do të fitojë 125,000 euro në javë me kontratën e re.
Klubet e Premier League, si dhe disa jashtë Anglisë, kishin shfaqur interes për shërbimet e lojtarit që u ble nga Aston Villa në vitin 2011 për 20 milionë euro.
Megjithëse bën 34 vjeç në korrik, Young mbetet një pjesë e rëndësishme e Man United, si brenda ashtu edhe jashtë fushës.
Ai është një lojtar që mund të luajë në shumë pozicione të prapavijës dhe mesfushës, por kohët e fundit është aktivizuar si mbrojtës i djathtë.
Young vlerësohet shumë nga trajneri Ole Gunnar Solskjaer pasi është një lider në dhomat e zhveshjes.
Young ka fituar Premier League, FA Cup, Europa League dhe EFL Cup gjatë kohës në Old Trafford.
