PSG do të luajë në “Old Trafford” kundër Manchester United këtë të martë në mbrëmje për Champions League, por për trajnerin Thomas Tuchel problemet sa vijnë e shtohen.
Pasi u zyrtarizua mungesa e Neymar për 10 javë, gjë që solli mungesën e tij në dy ndeshjet kundër United. Tani trajneri gjerman duhet të bëjë llogaritë edhe pa Edinson Cavani për ndeshjen e së martës.
Sulmuesi uruguaian doli i dëmtuar nga ndeshja e djeshme kundër Bordo, aty ku shënoi edhe golin e fitores me anë të një penalltie. Cavani ka patur dhimbje në kofshën e djathtë dhe sot paradite iu është ënshtruar testeve mjekësore dhe ai nuk do të jetë i gatshëm të luajë për këtë ndeshje sepse ka pësuar një tërheqje muskulore. Ende nuk është përcaktuar një datë fikse për rikthimin e tij.
