Në Spanjë ka filluar të ndihet atmosfera e derbit. Këtë të shtunë, në fakt, do të luhet Atletico-Real Madrid. Në konferencën tradicionale për shtyp, trajneri i “Colchoneros”, Diego Pablo Simeone, është dukur gati dhe shumë i motivuar para ndeshjes, duke i dhënë një mesazh të qartë rivalëve.
“Solari-n e njoh prej shumë kohësh, e kam stërvitur te San Lorenzo. Jemi takuar shpesh, ka treguar se mund të qëndrojë në stolin e Real Madrid”, ka thënë Simeone.
Në lidhje me mungesën e Ronaldo-s, tashmë tek Juventus për më shumë se gjysmë sezoni: “Lamtumira e Cristiano-s është më shumë një problem për trajnerin e Real-it ose presidentin, jo për kundërshtarët. Ne duam të fitojmë pavarësisht se nga kush luan”.
Një koment edhe për ish-yllin e Atletico-s, Courtois: “Është një portier i madh, i cili ka bërë shumë mirë me ne dhe po kalon një moment shumë të mirë forme”.
