Inter do të udhëtojë drejt Parmës për javën e 23-të të Serisë A, një transfertë e vështirë që e gjen skuadrën zikaltër në një moment kritik.
Për këtë ndeshje foli para medieve trajneri Luciano Spalletti, i cili theksoi se për këtë ndeshjes nuk do të ketë në dispozicion Keita Balde, i cili do të kthehet javën e ardhshme nga dëmtimi, po ashtu jashtë do të mbetet edhe Borja Valero.
Ndër gjërat që Spalletti vuri theksin ishte se skuadra duhet të zbresë në fushë dhe të luajë me zemër dhe krenari, pasi në rrezik është edhe karriera e tij.
A është problemi më shumë në mendje apo te taktika?
“Në fushë duhet të dalim me zemër në këto ndeshje, gjë që gjithmonë e bën dallimin. Ne duhet të sjellim përulësi dhe krenari për fanellën që mbajmë veshur.”
Çfarë mungon më së shumti në këtë 2019? Sa e rëndësishme është për të rigjetur Icardin?
“Ne humbëm pjesën e fundit të cilësisë sonë të jashtëzakonshme. Ndodh që të gjitha ekipet të humbasin lojtarët për shkak të dëmtimeve dhe skualifikimeve, më pas janë edhe shpërqendrimet nga merkatoja, Icardi është në të gjitha këto arsye. Talenti është gjithmonë pas punës së skuadrës. Nëse skuadra nuk punon, nuk ka talent dhe nuk ka një bombardues që mund të vendosë fatin e skuadrës. Kështu që ne duhet të përmirësojmë të gjithë së bashku.”
Sa e rëndësishme është besimi që ju tregoi Marotta? A ka ky ekip mungesa e personalitetit?
“Në verë ne firmosëm për tre vjet, sepse ishim të vetëdijshëm se do të duhej të ishte një rrugë që do të kërkonte kohë për të sjellë fjalimin ku duam ta sjellim. Për mua gjërat nuk kanë ndryshuar. Unë jam i kënaqur edhe me klubin. Askush nuk mund të na ndalojë në bazë të asaj që ne duam të zhvillojmë.”
Nainggolan?
“E pashë atë më mirë në ndeshjen e fundit dhe sidomos në stërvitjet e fundit, ai është një prej të cilëve pres reagim të madh dhe gjëra të mëdha, ai ka një të kaluar me përvojë, që mund të jetë i dobishëm në këtë moment dhe ai duhet t’i vendosë ato në dispozicion të ekipit “.
