Një ndër momentet më prekëse të festës së ditëlindjes së Neymar, ishte përlotja e tij gjatë fjalimit të mbajtur para të ftuarve, ku tregoi se po kalon momentin më të vështirë të jetës.
I mbështetur në patericë, Neymar nuk e ka përmbajtur veten teksa i ka falënderuar të gjithë për prezencën e tyre, konkretisht ylli PSG-së ka thënë:
“Është një ditë speciale për mua sepse është ditëlindja ime. Po kaloj fazën më të vështirë të jetës sime. Por ndihem shumë i lumtur të shoh shtëpinë plot, miqtë e mi të ngushtë, familja, shokët e ekipit, që më mbështesin çdo ditë… “
“Ajo që do doja si dhuratë për ditëlindje sot do të ishte ‘kockë’ e re kështu që do mund të luaja sërish në fushë, të luftoja për atë që dua më shumë, të luaj futboll.”
“Është shumë e vështirë të jesh mbi paterica gjatë gjithë kohës. Çdo atletë më kupton, sepse e dinë sa e vështirë është. Shokët e ekipit po më japin forcën që të kthehem sa më shpejt.”
