Mbrëmja e së mërkurës nuk ka qenë aspak e mirë për Karim Benzema. Sulmuesi i Real Madrid është mundur në fushë nga Barcelona në Kupën e Mbretit dhe shtëpia e tij është vjedhur gjatë “Clasico”-s.
Hajdutët kanë përfituar nga rasti për t’u futur në shtëpinë e francezit, por nuk dihet akoma për momentin dëmi ekonomik që i është shkaktuar futbollisti. Lajmi është bërë i ditur nga “El Chirnguito”.
Vjedhja e shtëpive të futbollistëve gjatë kohës që ata janë në fushë po kthehet në modë në Spanjë. Rasti i fundit ka qenë ai i Kevin Prince Boateng, shtëpia e të cilit është vjedhur kur ai po luante një ndeshje të kampionatit me Barcelona-n kundër Valladolid.