Manchester United duket se po bindet gjithnjë e më shumë që e ardhmja e stolit quhet Ole Gunnar Solskjaer, sepse norvegjezi po thyen rekorde që më përpara i kishte “me të drejtë autori” legjendari Sir Alex Ferguson.
Që prej uljes në stolin e Red Devils, Ole Gunnar Solskjaer duket se po bën të pamundurën për të imituar mësuesin e tij dhe pas rekordit me 8 fitore në 8 ndeshjet e para si trajner i United, tashmë vendos edhe një rekord të ri.
Me fitoren arritur të mërkurën në Londër, ndaj Crystal Palace (3-1), United e çon në 8 numrin e fitoreve rresht në transfertë, diçka që nuk kishte ndodhur kurrë në historinë e klubit.
Seria spektakolare nisi pikërisht në debutimin e Solskjaer, në Cardiff, ku erdhi triumfi 51. Më pas fitore në Neëcastle, në Londër ndaj Tottenham-it, në Emirates kundër Arsenalit për Kupën FA, fitoret në Leicester e Fulham, fitore ndaj Chelsea-t për Kupën FA dhe suksesi i fundit, në Selhurst Park.
Diçka e paparë në histori, Man Utd është perfekt jashtë fushe dhe Solskjaer është kthyer në “pushtues”, duke fituar edhe në fusha shumë të vështira. Megjithatë, të mërkurën e ardhshme viziton PSG dhe aty është prova më e vështirë e karrierës së tij në stolin e United.
