Manchester City triumfoi mbrëmjen e të dielës në përballjen ndaj Arsenal me rezultatin 3-1, duke vijuar gjurmimin e Liverpool kryesues, tashmë me vetëm dy pikë distancë. Një fitore bindëse e “Qytetarëve” që u vendos në mënyrë absolute nga protagonisti kryesor, Sergio Aguero, autor i tripletës së Manchester City.
“Ishte e rëndësishme të fitonim. Ndeshjen e kaluar unë shënova herët në atë takim, por ne e humbëm ndeshjen. Prandaj sot jam shumë shumë i lumtur. Goli im i tretë mendoj se më preku në gjoks, por tani do ta shoh në televizor nëse ishte me dorë”, deklaroi vetë autori i tripletës, Sergio Aguero
Me Liverpool që do të ndeshet të hënën me West Ham, por dhe vetë City-n që të mërkurën do të përballet me Everton, skuadra e Guardiolas, mund ta shohë veten në krye të klasifikimit javën e ardhshme.
