Sulmuesi Nicklas Bendtner është një lojtar reputacioni i të cilit ka marrë tatëpjetën me kohë. Gjithmonë në qendër të vëmendjes për sjelljet e tij jashtë fushës së blertë, ndërsa episodi i fundit i ka vënë vulën.
31 vjeçari pati sulmuar një shofer taksie, veprim që e ka dënuar me kufizim lirie, konkretisht arrest shtëpie për 50 ditë. Shkaku? I ka rënë me grusht shoferit të taksisë duke thyer nofullën e tij pasi ka refuzuar ti paguante tarifën.
Por nga ana tjetër duket se sjellja dhe dënimi i tij nuk ka ndikuar aspak te dashuria e partneres së tij, Philine Roestorff e cila kohët e fundit jo vetëm i ka qëndruar pranë në formë mbështetjeje, por veprimi i saj i fundit i ka lënë të gjithë pa fjalë.
Ajo ka realizuar një tatuazh në qafën e saj, duke ia dedikuar sulmuesit, në të është shkruar “Lord”. Më pas kur ka realizuar një seksion me pyetje përgjigje në Instagramin e saj, ku ka zbuluar se ky është tatuazhi i vetëm në trupin e saj dhe nuk pendohet që e ka bërë.
Sulmuesi e ka fituar këtë mbiemër, Lard ose Zot, në formë sarkazme, pasi shpesh është kritikuar për gabimet e tij në fushën e blertë, për të mos harruar humbjen e tij të bujshme ndaj Barcelonës ne vitin 2011 kur luante me Arsenalin.