Sipas “Tele Madrid”, presidenti i “los blancos” Florentino Perez, ka vendosur të shesë sulmuesin uellsian Gareth Bale. Jo vetëm kaq, por ai ka vendosur që çmimi për të lënë të lirë sulmuesin 29-vjeçar është 150 milionë euro.
Lojtari ndodhet në Madrid që prej vitit 2013 dhe në 145 ndeshje ka realizuar 76 gola.
Edhe pse ky pritej të ishte sezoni i rilindjes për Bale, pas largimit të CR7, kjo gjë nuk ndodhi. Lojtari është lënë shpesh në stol, ndaj pritet që të largohet nga Madridi në merkaton e verës. Manchester United dhe Juventus janë dy ekipet kandidate për ta marrë lojtarin uellsian.
Problem është shuma prej 150 milionë eurosh, shumë e lartë, por skuadrat shpresojnë që të përfshijnë në këtë transferim lojtarë të tjerë: Manchester United sulmuesin belg Romelu Lukaku dhe Juventusi sulmuesin argjentinas Paulo Dybala.
