Denis Suarez është shitur te Celta Vigo për 12.9 milionë euro, plus 3.1 milion bonuse.
“FC Barcelona dhe Celta Vigo kanë arritur marrëveshje për transferimin e lojtarit, Denis Suarez. Celta do të paguajë 12.9 milionë euro plus 3.1 milionë bonuse. FC Barcelona e falënderon lojtarin dhe i uron më të mirën në të ardhmen”, shkruan klubi katalanas në faqen zyrtare.
Suarez, që iu bashkua Barcelonës në vitin 2016, ka bërë 71 paraqitje me ekipin e parë, ka shënuar 8 gola dhe ka fituar 5 trofe.
