Sulmuesi i Reims dhe i përfaqësueses së Kosovës, Arbër Zeneli, është zgjedhur si një ndër 11 lojtarët më të mirë të kësaj fundjave, në pesë kampionatet më të mëdha në Europë (La Liga, Ligue 1, Bundesliga, Premier League dhe Serie A).
E përditshmja italaine “Gazeta Dello Sport”, ka zbuluar 11-shen më të mirë të javës në Europë dhe mes tyre ishte Zeneli.
Sulmuesi shqiptar shënoi një gol dhe dha një asist në fitoren 2-4, të Reimsit ndaj Montpelierit në transfertë.
Zeneli u transferua në ditët e fundit të merkatos së janarit nga kampionati holandez dhe skuadra e Herenvenit në Francë, ku ka nisur të shkëlqej.
Vlen të përmendet që në formacionin e javës, ai është vendosur në mesfushë dhe jo në sulm që është pozicioni ku ai jep më të mirën.
