Që marrëdhënia mes Jose Mourinho dhe Paul Pogba nuk ishte nga më të mirat, kjo ishte mëse evidente.
Gjithsesi, ai që jep konfirmimin e hapur është vëllai i mesfushorit kampion bote që luan te Manchester United, që sikurse raporton tabloidi “Mirror” ka pranuar se nën drejtimin e Mourinho, Pogba ishte gati të largohej nga “Djajt e Kuq”.
“Është e vërtetë që ka menduar të largohet nga Djajt e Kuq për shkak të Mourinho. Por ishte nën kontratë dhe iu desh të shtrëngojë dhëmbët, duke vazhduar të luftojë”,
Francezi, i cili verën e kaluar u shpall kampion bote me Francën e tij, ka rilindur nën drejtimin e Ole Gunnar Solskjaer, gjatë epokës së të cilit ka shënuar gjashtë gola dhe shërbyer pesë asiste në tetë ndeshje të Premier League.
