Për sulmuesin argjentinas Maksi Lopez nuk ka dyshime. Fanella e Milanit është më e bukura në botë. Ish-bashkëshorti i Vanda Narës, ka publikuar së fundmi një foto në “Instagram” me Zlatan Ibrahimoviç ku shkruan: “Fanella kuqezi është më e bukura në botë! Unike”.
Gjatë karrierës së tij, Maksi Lopez është aktivizuar me shumë skuadra si Barcelona, Milan, Sampdoria, Kievo, Torino, Udineze, River Plejt, por 34 vjeçarit, mesa duket fanella e 7 herë kampionëve të Champions Ligës i ka rrëmbyer zemrën.
Maksi Lopez
Kujtojmë që argjentinasi ishte pjesë e Milanit në vitin 2012 si u huazuar, ku u aktivizua vetëm 8 takime dhe shënoi 1 gol. Aktualisht 34-vjeçari është pjesë e Vasko De Gamës në Brazil.