Ish-kapiteni i famshëm i Kombëtares Shqiptare, Lorik Cana, prej kohësh po jeton në Itali me bashkëshorten dhe djalin e tyre, Bojken.
Herë pas here ai ndan me ndjekësit në rrjete sociale momente pranë familjes, ndërsa së fundmi ka njoftuar për ta se ka nisur pushimet përrallore në Dubai.
Në pozat e shkrepura, Loriku duket se po e shijon në maksimum udhëtimin dhe pamjet e bukura, duke shkrepur momentet më të këndshme kaluar pranë familjes së tij.
Ai ka pozuar me të birin pranë akuariumit gjigant të Atlantis, teksa i biri drejton gishtin nga peshqit e mëdhenj që sheh të notojnë pranë tij.
Në një tjetër pozë, ai ka filmuar bashkëshorten, Monikën, e cila e ulur në kafe pranë tij, qëndron në Instagram me telefon në dorë.
“Shka po thotë Instagrami oj gru?”- shkruan me humor Loriku pranë fotos ku bie në sy peizazhi i mahnitshëm i plazhit pas saj.
