Nuk kanë fund të papriturat në çështjen e Emiliano Sala, sulmuesi argjentinas që humbi jetën në një aksident ajror 21 janarin e kaluar në Kanalin e La Manshit.
Sipas “Daily Telegraph”, duket se kontrata e nënshkruar nga Sala me Cardiff-in nuk përputhet me rregullat e Premier League dhe, për rrjedhojë, konsiderohet e pavlefshme.
Para se argjentinasi të niste fluturimin drejt Uellsit, atij i është dërguar një letër tjetër që duhej nënshkruar në mënyrë që operacioni për transferimin nga Nantes te Cardiff të konsiderohej i vlefshëm.
