Serie A e nisi javën e 23-të që ditën e enjte në prag të kompeticioneve Europiane me sfidën e Lazio-s ndaj Empolit në Olimpico.
Rezultati përfundimtar ishte 1-0 në favor të vendasve që morën tre pikët falë golit të Caicedo-s nga pika e bardhë e penalltisë.
Ishte një sfidë me shumë shqiptarë, si në fushë ashtu edhe në stol. Për Lazio-n ishte Strakosha, i cili tashmë është kthyer në një nga lojtarët më të rëndësishëm të Inzaghi-t.
Në stol, kryeqytetasit kishin edhe talentin e mbrojtjes Sergio Kalaj. Në krahun tjetër ishte Veseli, i cili luajti 90 minuta për miqtë.
Me këtë fitore, Lazio ngjitet në vend të katërt duke parakaluar Milan, Atalanta dhe Roma në luftën për Champions League.
Gjithsesi, skuadrat e tjera kanë një ndeshje më pak dhe në fundjavë Lazio mund të zbresë përsëri në vendin e shtatë.
