Pep Guardiola ka mbetur i befasuar kur një gazetar e ka informuar se Benjamin Mendy ishte në Hong Kong.
Francezi është i dëmtuar dhe e ka shfrytëzuar këtë periudhë për të udhëtuar. Në një nga postimet e bëra në Instagram, ai ka publikuar një fotografi me mesazhin “Hong Kong International Airport”.
“Uau. Nuk e dija”, ka qenë reagimi i Pep pas lajmit të marrë nga gazetari. “Çfarë? M…n. Më tha se do të shkonte në Paris, por Hong Kongu është shumë larg, duhet të instaloj Instagram-in. Nuk do të jem aspak i kënaqur nëse është në Hong Kong. Dje ishte në Barcelonë”.
Reagimi i Mendy pas fjalëve të Guardiola ka qenë i menjëhershëm. “Po bëja shaka me shoferin e uber-it. Nuk dua probleme me Pep”, ka qenë mesazhi i mbrojtësit në Twitter.
🎙️ | Pep Guardiola on being informed Benjamin Mendy is in Hong Kong:
"Hong Kong? That is a long way. He was in Barcelona yesterday. I didn't know it. What? Fuck. I'll have to install Instagram." 😂pic.twitter.com/XzFu5rkOQQ
— The Swype Sports ™ (@TheSwypeSports) February 8, 2019
