Lautaro Martinez tha se është në duart e Interit dhe Mauro Icardit, zgjidhja e problemit të mungesës së vazhdueshme të ish-kapitenit. 26-vjeçari nuk ka luajtur për zikaltrit që kur e humbi shiritin e kapitenit, i cili kaloi në krahun e Samir Handanoviç.
Në humbjen e mbrëmshme 2-1 ndaj Cagliari, ishte argjentinasi Martinez, i cili barazoi përkohësisht 1-1. Sulmuesi në fjalë i tha “Sky Sport Italia”: “Mauro është shumë i rëndësishëm për ne, por nuk mund të bëjmë asgjë për këtë. I takon atij t’i zgjidhë problemet. Ajo që ne mund të bëjmë është të presim dhe të përpiqemi të fitojmë”.
Icardi, i cili është kontraktuar me Interin deri më 2021, ka qenë i lidhur me kampionët italianë, Juventusin, por edhe me skuadra të tjera si Napoli, Real Madridin, Barcelona apo Manchester United.
Me Icardi që mungonte kundër Cagliarit, trajneri i Interit, Luciano Spalletti, tërhoqi vëmendjen me spostimin e Andrea Ranocchia si sulmues, kur po përpiqej me gjithçka të barazonte në fund.
I pyetur nëse kjo gjë nënkupton mungesën e opsioneve, Spalletti duket se ka synuar Icardin: “Unë mund të them përsëri të njëjtat gjëra. Ka një mënyrë për të ndihmuar Interin dhe për të treguar sa të intereson Interi, duke qenë në fushë”.