Kristian Panuçi u shkarkua nga stoli i Kombëtares shqiptare pas humbjes 0-2 në “Loro Boriçi” ndaj Turqisë. Ndërkohë ditët e fundit në mediat italiane, emri i teknikut 47-vjeçar është listuar mes kandidatëve të mundshëm për të marrë drejtimin e skuadrës së Salernitanës që militon në Serinë B italiane.
Panuçi është në garë me trajnerin Delneri, gjithsesi mësohet se ende nuk ka një akord zyrtar mes palëve. Skuadra e Salernitatës kërkon të sigurojë qëndrimin në Serinë B, teksa renditet në vendin e 10-të me 34 pikë.
Vetëm 6 pikë e ndajnë nga zona e ftohtë. 3 humbjet në 3 ndeshjet e fundit, kanë vënë në lëvizje drejtuesit e klubit, të cilët po mendojnë për një trajner të ri. Priten me mjaft interes zhvillimet në ditët në vijim për sa i përket të ardhmes së Panuçit.
