Arsenal ka mposhtur Manchester United me rezultatin 2-0 në Emirates duke bërë një hap të rëndësishëm në luftën për një vend mes katër më të mirëve.
Pas 10 fitoreve dhe 2 barazimeve, Ole Gunnar Solskjaer ka humbur një ndeshje në Premier League.
Përveç luftës për titullin kampion mes Liverpool dhe Man City, beteja për kualifikimin në Champions League është po aq e fortë.
Pas humbjes së Tottenham dhe barazimit të Chelsea-t, kjo është fitore e artë për “Topçinjtë” ndaj një rivali direkt.
Ishte Granit Xhaka ai që befasoi David De Gea-n me një goditje të bukur nga distanca në minutën e 12’, duke kaluar të tijtë në avantazh.
United u mundua të reagojë dhe shpërdoroi disa mundësi të mira si në pjesën e parë, ashtu edhe në të dytën.
Në minutën 69’ erdhi goli i nokautit nga Aubameyang nga pika e bardhë e penalltisë. Gjithsesi, duhet thënë se ishte një penallti e dyshimtë.
