Luçiano Moxhi është një person që edhe duke qëndruar jashtë futbollit vazhdon që zëri t’i dëgjohet fort. Nëse fillimisht nënvizoi se çështja “Ikardi” zgjidhet duke e lënë në tribunë për 2-3 javë lojtarin, gjë që menjëherë pas deklaratës së tij u mor si masë nga Interi, dje ish-drejtori i Juves dhe këshilltari i Partizanit në Shqipëri, u jep një tjetër këshillë zikaltërve:
“Po ndjekim çështjen nga jashtë dhe pas kaq shumë javësh është e vështirë që të kuptojmë më qartë se çfarë ka ndodhur realisht mes Ikardit dhe Interit.
Por ndoshta ka ardhur koha që t’i jepet fund kësaj telenovele: pikësëpari Ikardi t’i vërë një ‘silenciator’ Vandës, ndërsa Interi të kthejë Mauron në fushë”.
