Drejtori i përgjithshëm i Inter Beppe Marotta pretendon se nuk e sheh Wanda Nara-n te emisioni Tiki Taka dhe është lodhur me spekulimet rreth Mauro Icardi-t.
Inter konfirmoi javën e kaluar se ka zhvilluar një takim miqësor me Wanda, por Icardi nuk duket pranë rikthimit pasi nuk është shfaqur në stërvitje as ditën e hënë.
“Tiki Taka? Nuk e shohim,” shprehet Marotta pas një takimi të Lega Serie A.
“Transmetohet shumë vonë, ne çohemi në 7 të mëngjesit për të punuar. A do të flasim përsëri? Mjaftë më me gjithë këtë…”
Agjentja dhe gruaja e sulmuesit ka bërë sërish polemika për paraqitjet e fundit në spektaklin e Mediaset për shkak të zënkave me Antonio Cassano-n.
