Gareth Bale është vënë në shënjestrën e tifozëve pas rezultateve negative që mori skuadra, duke humbur të gjitha mundësitë për trofe këtë sezon.
Mbërritja e Zidane në krye të skuadrës e ka rikthyer shpresën tek tifozët e “Los Blancos”, por inati i tyre akoma nuk ka kaluar. Sot, Bale u paraqit në qendrën stërvitore Valdebebas dhe në hyrje të saj ishin grumbulluar disa tifozë që i rezervuan një pritje jo të këndshme uellsianit.
“Sa i keq që je”, i thotë njëri, teksa një tjetër dëgjohet t’i thotë: “Jashtë”. Zemërimi i Bale duket në fytyrën e tij, teksa për asnjë moment nuk jep asnjë mimikë buzëqeshje, madje e nget shpejt makinën pa i parë fare në sy tifozët e Real Madrid-it.