Interi duket se ka nisur që tani të mendojë për merkaton e verës dhe fokusi i Marotës është Juventusi. Pas Dibalës zikaltrit janë të interesuar për Dugllas Kostën, brazilianin e sulmit të bardhezinjve.
Me shumë mundësi në verë ky do të jëtë një ndër të sakrifikuarit e Juves për të arritur te Zaniolo. Vlera e kartonit të lojtarit sipas asaj që raporton “Tuttosport” është 50 milionë euro. Kujtojmë që kampionët e Italisë e kanë blerë brazilianin nga Bajerni për 46 milionë euro.
Interi ka në plan të largojë Ikardin, por edhe Perisiccin të cilët kanë qenë ata që kanë prishur klimën në kampin zikaltër.
Mbetet të shohim se si do të veprojnë të gjitha palët, por interesante është të shohim se cilat do të jenë truqet e Marotës në merkato.
