Derbi i Milanos është gjithmonë një reklamë për të gjithë botën, por pa koreografitë e bukura, duket sikur mungon vitrina. Pikërisht për këtë arsye, ka qenë ndërhyrja e Ministrit të Brendshëm të Italisë, Matteo Salvini, tifoz i çmendur i Milanit, ajo që ka zhbllokuar një situatë aspak të lumtur për Curva Nord, tifozerinë e organizuar zikaltër.
Curva Nord, në fakt, kishte lajmëruar në një komunikatë për shtyp se nuk do të paraqiste asnjë banderolë apo koreografi, pasi Osbervatori i Mbikqyrjes, kishte thënë “jo” për futjen në stadium të një koreografia dedikuar ultrasit të Vareses, Daniele Belardinelli, i thërritur shkurt Dede, që humbi jetën më 26 dhjetorin e shkuar në përplasjet mes tifozëve përpara Inter-Napoli. “Dede” dhe “miqtë mbeten përgjithmonë” janë mesazhet që do të përcillen.
