Atletico Madrid ka udhëtuar drejt Italisë për sfidën e së martës ndaj Juventus për ndeshjen e kthimit në Champions League.
Ka qenë një udhëtim i vështirë për skuadrën dhe stafin e klubit spanjoll, të cilët 30 minutat e fundit të fluturimit i kanë kaluar me ankth sepse era e fortë ka pushtuar Torinon ka bërë që avioni të ketë lëkundje të forta.
Për më tepër që ulja në pistën e aeroportit është bërë edhe më e vështirë nga prezenca e erës. Gjithsesi falë eksperiencës së pilotit avioni është ulur pa dëmtime në pistë dhe në fund të gjithë duartrokitjet e pasagjerëve të çliruar nga ankthi kanë shkuar për të.
