Është një sezon i zi, tashmë nuk ka më asnjë dyshim dhe Reali i Madridit duket qartë që ka dështuar totalisht në strategjinë e verës së shkuar, duke lëshuar Ronaldon dhe duke mos marrë asnjë masë serioze për ta zëvendësuar.
Në këtë mënyrë, po vërshojnë rekordet negative dhe sot ka ardhur i riu: për herë të parë në histori Reali i Madridit ka pësuar 2 gola në 18 minutat e parë në një ndeshje të Champions League në Bernabeu.
Që në prag të sfidës sinjalet ishin të këqija, sepse atmosfera breda dhe jashtë Bernabeut ishte mjaft e zymtë, shumë larg traditës madrilene. Ndërkaq, si ogur i keq ishte edhe mungesa e Sergio Ramos, i cili mori qëllimisht karton në vajtje, për të mos rrezikuar pezullimin në ndeshjet e ardhshme.
Sa për kuriozitet, në dy ndeshjet e fundit pa Sergio Ramos në Champions League Reali është mundur nga CSKA Moska, duke u fëlliqur edhe brenda në Madrid.
