Sulmuesi i Liverpool, Sadio Mane, në prag të ndeshjes së sotme ndaj Tottenham, u shpreh se ndjen presionin kur sheh se rivalët e Manchester City luajnë një ditë më herët dhe fitojnë. Jo vetëm kaq, por ai pranon se presioni bëhet edhe më i madh tani që sezoni po i afrohet fundit.
“Unë mendoj se Manchester City duhet të jetë një vend pas nesh në renditje. Unë dua që ata të humbasin ndeshjet e radhës, por janë një ekip shumë i mirë dhe kjo dëshirë e imja shpesh bëhet e pamundur”, u shpreh Sadio Mane.
“Ne jemi fokusuar te loja jonë, por është e pamundur që të mos e ndërthurin fatin tonë me atë të Manchester City. Ne kemi një përballje të vështirë ndaj Tottenham dhe na duhet fitorja për t’u rikthyer sërish në krye”, deklaroi sulmuesi i Liverpool.
