Inter nuk ka ndërmend të ushtrojë të drejtën e blerjes së kartonit të Cedric Soares nga Southamton, të cilin e huazuan për 0.5 milionë euro dhe duhet të shtojnë 11 milionë të tjera për ta blerë përfundimisht.
Mbrojtësi i djathtë u afrua me qëllimin për të zënë vendin e Sime Vrsaljko, por dështoi duke luajtur vetëm në dy ndeshje në Europa League si titullar dhe një si zëvendësues në Kupën e Italisë. Ndërkohë D’Ambrosio është ai që gjithmonë e gjen hapësirën për të luajtur, pavarësisht tentativave të shumta për të gjetur një më të mirë se ai.
Sipas asaj që ka raportuar “Tuttosport” klubi zikaltër do e kthejë mbrapsht portugezin në fund të sezonit dhe do të paraqesë një ofertë konkrete tek Manchester United për Matteo Darmian. “Djajtë e Kuq” nuk e lënë të lirë për më pak se 12 milionë euro italianin, për të cilin ka kohë që interesohet edhe Juventus.
Ndërkohë Inter do të ofrojë 7 milionë euro, që bashkohu me bonuset pritet të kapë shifrën e 11 milionë eurove dhe United do vendosë ta lërë të largohet Darmian-in, të cilit i skadon kontrata në qershor të vitit 2020.
