Ciro Ferrara dhe Alessio Tacchinardi kanë fituar Champions League në sezonin 1995/96 me Juventus dhe kanë sulmuar ish-drejtorin e Ajax David Endt.
Endt ka punuar te Ajax nga 1993 deri 2013 dhe ka thënë se çerekfinalja e Ajax ndaj “Zonjës” pas shumë vitesh, do të jetë një mundësi e mirë për t’u hakmarrë,
“Gjatë asaj kohe në Romë, luajtëm ndaj një Juventus-i që më vonë doli që kishte përdorur doping, askush nuk e di të vërtetën…” është shprehur holandezi për Radio Kiss Kiss.
Dy ish-lojtarët e Juve-s kanë reaguar menjëherë nëpërmjet SportMediaset.
“Dëgjoj këto deklarata të Endt dhe mund të them vetëm se atij duhet t’i vijë turp. Turp të kesh!” përgjigjet Tacchinardi.
Ndërsa Ferrara ka komentuar: “Dua të theksoj se Endt na ka ndihmuar shumë me deklaratat e tij para finales kur tha se do të ktheheshin në shtëpi me trofeun.
Ai nuk e kuptoi që ajo deklaratë na motivoi edhe më shumë.”