Rritja e Paris Saint-Germain vazhdon të jetë me hapa gjigantë teksa klubi po përgatitet të kalojë shifrën e 1 milion fanellave të shitura.
Kampionët e Francës kanë shijuar një sukses të madh pasi morën një vendim brilant për të bashkuar forcat me ikonën e basketbollit Michael Jordan në shtator.
Një seri mbresëlënëse e fanellave të futbollit, si dhe bluzave të tjera, kanë dalë në tregun amerikan dhe shitjet e fanellave të PSG janë rritur me 470% në Shtetet e Bashkuara.
PSG e nisi bashkëpunimin me Jordan për fanellën e tretë që do të përdorej në Champions League.
Megjithatë, duke parë popullaritetin e saj në rrethet e atletëve amerikanë, marka e klubit francez është rritur ndjeshëm.
Yjet e basketbollit Ben Simmons, Draymond Green, Nicolas Batim dhe Tony Parker janë parë të veshur me fanellën e PSG, si dhe artistë të muzikës si Travis Scott, J. Cole dhe 6ix9ine.
Fundjava e parë pas zbulimit të fanellës Jordan, ajo është shitur 40,000 herë. Shitjet e PSG janë rritur ndjeshëm që kur Qatar Sports Investments mori drejtimin e klubit në vitin 2011.
