Arrihet më në fund marrëveshja mes Lazios dhe West Ham për kalimin e brazilianit Felipe Anderson në Londër. Pas shumë bisedimesh dy klubet kanë gjetur gjuhën e përbashkët mbi bazën e 40 milionë eurove, plus 5 milionë të tjera në formë bonusesh.
Akordi është arritur të shtunën dhe në ditët e ardhshme Felipe Anderson do të udhëtojë drejt Londrës për të kryer vizitat mjekësore me West Ham.
Një shitje e bujshme kjo e Lazios pasi bëhej fjalë për një futbollist që sezonin e fundit ka qëndruar më shumë në stol dhe në tribuna për shkak dëmtimesh sesa në fushën e lojës. Edhe këtu dallohet qartë dora e drejtorit sportiv të bardhekaltërve Igli Tare.
