Real Madrid është grumbulluar në qendrën stërvitore Valedabebas sot paradite, teksa ka zhvilluar një seancë çlodhëse pas fitores në fushën e Valadollid.
“Marca” ka zbuluar se qëndrimi i trajnerit ka qenë dyshues gjatë seancës stërvitore dhe më shumë ka qenë një përshëndetje me lojtarët e tij, pasi drejtuesit kanë vendosur shkarkimin e tij dhe do të jetë ora 18:00 e ditës së hënë që do të zyrtarizohet largimi i tij.
Ndërkohë, gazeta “Sport” ka shkuar më tej duke analizuar situatën, edhe kjo media thekson se të hënën pasdite do zyrtarizohet shkarkimi i Solarit dhe të martën do të jetë trajneri i ri që do të drejtojë seancën stërvitore.
Sipas deklaratës së gazetarit të njohur spanjoll Josep Pedrerol, do jetë Zinedine Zidane trajneri i ri. Francezi ka rënë dakord me të gjitha detajet e kontratës dhe për të do jetë një rikthim në “Bernabeu”.
Perez ia ka dalë ta bindë Zidane, pasi ky i fundit kishte refuzuar të merrte drejtimin e skuadrës tani, me arsyetimin se vetëm në fund të sezonit do të ishte i gatshëm për t’u rikthyer në punë. Por, pista Jose Mourinho e refuzuar nga lojtarët e Real Madridit, e ka detyruar presidentin Perez të arrijë marrëveshje me Zidane.
