Skuadra e Manchester United është gati të paguajë 250 milionë euro për të sjellë në “Old Trafford” 3 talente të kombëtares portugeze të futbollit. Bëhet fjalë për sulmuesin 19-vjeçar të Benfica, Joao Felix; mbrojtësin 21-vjeçar të Benfica, Ruben Dias si dhe për mesfushorin 24-vjeçar Bruno Fernandez, që luan me Sporting.
Tri futbollistë që janë pjesë e ekipit kombëtar “luzitan” dhe që po shkëlqejnë në skuadrat e tyre. Sipas të përditshmes britanike “The Mirror”, skuadra e Manchester United kërkon të përsëritë edhe një herë historinë, duke synuar që të sjellë në Premier një tjetër Cristiano Ronaldo.
Natyrisht që nuk ka për të qenë e lehtë për United të realizojë këtë blerje të 3-fishtë, pasi për këta lojtarë janë interesuar edhe Manchester City, Real Madrid, Barcelona e Juventus. Ndaj “djajtë” kanë rritur ofertën, për të bërë të mundur një blerje “në grup” dhe të evitojë konkurrencën.
