“Unë do ta kisha dërguar Moise Kean te Milani në janar. Juve nuk dëshiroi, por me Leonardon kishim rënë dakord”. Këto fjalë, që i atribuohen Mino Raiolës, duke iu referuar xhevahirit të Juventusit, Moise Kean, kanë shkaktuar një tronditje në kampin bardhezi, orët e fundit.
Vetë menaxheri i mirënjohur e mohon gjithçka me forcë. Ai e bëri këtë nëpërmjet një postimi në Twitter, ku shpjegoi se kurrë nuk e ka përdorur Facebook për të bërë këtë deklaratë: “Kam krijuar vetëm një llogari në Facebook, kështu që njerëzit e kuptojnë se llogaritë e tjera, që përdorin emrin tim, janë të rreme. Unë nuk do ta përdor Facebook për të bërë ndonjë koment të tillë në llogarinë time”.
Një mohim i thatë i Mino Raiola, i cili hedh poshtë edhe thashethemet që lidheshin me rinovimet e Donnarumma dhe Insigne, duke pasur parasysh se në atë postim në Facebook fliste edhe mbi të ardhmen e dy kampionëve të Milanit dhe Napolit.
