Alvaro Morata deklaroi sot se sulmuesi francez Antoine Griezmann nuk do të largohet nga Atletico Madrid. Madje sulmuesi spanjoll shkoi edhe më tej, duke thënë se Madridi është shtëpia e Griezmann, ku do të qëndrojë gjatë.
Morata ka hedhur poshtë çdo hamendësim që ka dalë kohët e fundit se sulmuesi 27-vjeçar francez do të largohet në fund të sezonit. “Nuk jam i shqetësuar për të ardhmen e tij, pasi e shoh Griezmann gjithnjë të lumtur me ne”, u shpreh Morata
Sulmuesi spanjoll erdhi në merkaton e janarit tek Atletico nga Chelsea.”Kjo është shtëpia e Antoine dhe mendoj se ai është i lumtur këtu. Bashkë jemi një dyshe e mirë dhe nëse luajmë edhe më shumë do të jemi edhe më efikasë para porte”, u shpreh Alvaro Morata.
