Ka qenë Andrea Pirlo që zbuloi se prej disa vitesh e ka ndjekur mesfushorin de Jong, madje ai ia kishte sugjeruar Juventusit për ta blerë nga Ajax.
“De Jong është shumë i zoti, e kam ndjekur atë prej disa vitesh dhe ia rekomandova Juves që ta ndiqte atë nga afër, por në atë moment u shfaq Barcelona dhe do kishte qenë më mirë të kishin nxituar”, tha ish-mesfushori i Milanit dhe Juves.
Edhe zëvendës presidenti i Juves, Pavel Nedved nuk i fshehu elozhet për 21-vjeçarin, “Frenkie më kujton shumë rreth mënyrës se si luante Andrea Pirlo”,tha çeku.
Juventus e ka humbur betejën me Barcelonën për de Jong, tani beteja e radhës është për de Ligt, por sipas informacioneve të fundit edhe mbrojtësi 19-vjeçar ka zgjedhur të shkojnë në “Camp Nou”.