Berat Gjimshiti, futbollisti i kombëtares shqiptare dhe i Atalantës, që sot barazoi në “San Siro” ndaj Interit, është vlerësuar me nota shumë pozitive për paraqitjen super në prapavijën zikaltër.
Mbrojtësi kuqezi ka folur edhe për mediat italiane: “Ka pasur raste nga të dy ekipet, por në fund të kënaqur me pikën. Në fillim ata ushtruan presion të lartë, por më pas dolëm në lojën tonë”.
“Interi ushtroi presion të madh në fund, por ditëm të rezistonim. Icardi? Duhet të rishoh rastin kur më iku… Ai është një sulmues i madh, mund të shënojë gjithmonë, por sot e mbajtëm mirë. Champions? Të shohim, do të japim gjithçka”.
