Qendërmbrojtësi i Portos, Pepe, i ka dhënë një mesazh të qartë Liverpoolit në prag të çerekfinales së Champions League.
Diferenca financiare mes dy klubeve duket se nuk e tremb ish-lojtarin e Real Madridit, i cili beson te kualifikimi në gjysmëfinale dhe se skuadra e tij mund ta fitojë kompeticionin europian më të rëndësishëm për klube.
“E kam fituar Champions League tri herë dhe në këtë sezon do të bëhen katër. E dimë se na pret një detyrë e vështirë kundër një skuadre të fortë, por ne duhet të bëjmë lojën tonë dhe të luftojmë për një rezultat pozitiv”, ka thënë Pepe për Uefa.com.
