Trajneri i Arsenal, Unai Emery, gjatë konferencës për mediat, ka analizuar atë që pritet të vihet në skenën e “San Paolo” të enjten ndaj Napolit, në përballjen e vlefshme për Europa League.
“Shanset mbeten 50/50%. Kemi luajtur ndeshjen e parë në shtëpi dhe fituam, por e dimë se të luash këtu në Napoli ka gjithmonë një mundësi që ata të mund të fitojnë, për shkak se luajnë në shtëpinë e tyre”, paralajmëroi Emery.
“Gjithsesi ne do të luajmë për të fituar. Ky është një klub i madh me një president të madh dhe një trajner si Ancelotti që ka fituar 3 herë Champions League. Edhe Napoli gjithashtu ka një histori të madhe. Janë të dytët në Seria A dhe luajnë në çerekfinalen e Europa League. Ka futbollistë të mëdhenj në të dyja skuadrat”, deklaroi trajneri i Arsenal, Emery.