Trajneri i Milan-it, Gennaro Gattuso, ka folur në konferencë për shtyp në përfundim të ndeshjes me Juventus-in. Këto kanë qenë fjalët e tij:
“Kemi pësuar gol për shkak të dy gabimeve që kemi bërë. Kemi luajtur mirë kundër një ekipi të madh. Pas një jave duhet të fitojmë me çdo kusht për të fituar titullin tonë, që është kualifikimi në Champions League”.
“Gabimi i arbitrit? VAR është një instrument që më pëlqen shumë, duhet përdorur. Mendoj se është vendosur të mos jepet penallti. A ndihem i vjedhur? Jo, ndihem si vitin e kaluar, kur bëmë një tjetër paraqitje të bukur. Ka patur gabime të arbitrit, por edhe ne kemi bërë gabimet tona. Mund të kishim bërë më mirë”.
