Futbollisti i Romës, Abdullahi Nura është tërhequr nga futbolli në moshën 21-vjeçare.
Shkak është bërë problemet që futbollisti nigerian ka me zemrën e cila e ka detyruar të shkëputet nga aktiviteti fizik, shkruan tabloidi britanik “The Sun”.
Futbollisti 21-vjeçar në pronësi të Romës e ka të pamundur të marrë certifikatën e përshtatshmërisë sportive e tashmë po bisedon me drejtuesit verdhekuq për të prishur kontratën, që i skadon në vitin 2020.
Mbrojtësi nigerian, i cili u ble në vitin 2015 nga Spezia për 2.5 milionë euro, luajti i huazuar te Lavagnese dhe Perugia në formë huazimi, ku dhe iu shfaqën problemet me zemrën.
Drejtuesit e skuadrës kryeqytetase po mendojnë t’i ofrojnë një mundësi për punësim të përhershëm në Trigoria, duke i gjetur një rol drejtuesi.