Një moment për moviolë ishte ai i minutës së 75-të në takimin e sotëm mes Laçit dhe Tiranës, ku qendërmbrojtësi Toro, ndërhyn tek sulmuesi i Tiranës, Bedri Greca.
Edhe pse lojtari i Laçit kapi topin, ndërhyrja ishte e rrezikshme me dy këmbët, drejt këmbëve të Grecës, por për kryesori Juxhin Xhaja, nuk ishte as faull, dhe as karton.
Por, në një foto pas ndeshjes, Bedri Greca tregon pasojat nga ai dyluftim. Pjesa e këmbës së djathtë duket qartazi mjaft e fryrë, dhe pamja është e frikshme, e aty duket edhe një e çarë, ndoshta nga takat e Toros.